US welcomes Pak-India ceasefire agreement at LOC
US welcomes Pak-India ceasefire agreement at LOC

امریکا نے پاک بھارت ایل اوسی سیزفائر اعلامیے کو خوش آئندہ قرار دیتے ہوئے کہا کشمیرسمیت دیگرامورپرپاک بھارت براہ راست مذاکرات کے حامی ہیں ۔

امریکا نے ایل اوسی پر سیز فائر سے متعلق پاک بھارت اعلامیے کا خیرمقدم کرتے ہوئے کہا دونوں ممالک نےجنگ بندی پرسختی سے عملدرآمد پر اتفاق کیا، ایل اوسی پر کشیدگی میں کمی کیلئے کوششوں کی حوصلہ افزائی کرتے ہیں ۔

امریکی محکمہ خارجہ کے ترجمان نیڈ پرائس کا کہنا تھا کہ امریکا نےفریقین سےلائن آف کنٹرول پرتناؤکم کرنےکامطالبہ کیاتھا ، 2003کےجنگ بندی کے معاہدے پر واپس آنا خوش آئند ہے، کشمیرسمیت دیگرامورپرپاک بھارت براہ راست مذاکرات کے حامی ہیں ۔

نیڈ پرائس نے مزید کہا پاکستان ہماراایک اہم شراکت دارہے ، پاکستان کے ساتھ بہت سارے مفادات وابستہ ہیں ، افغانستان میں پاکستان کاایک اہم کردار ہے ، افغانستان ، کشمیراوردیگر امور پر پاکستان تعمیری کردار ادا کرے ۔

واضح رہے کہ پاکستان اور بھارت کے درمیان ایل اوسی اوردیگر سیکٹرز پر آج سے سیز فائر کی خلاف ورزی نہ کرنے پر اتفاق ہوگیا ، ڈی جی آئی ایس پی آر کا کہنا ہے کہ رابطے کے نتیجے میں 2003 کے سیزفائر کی انڈر اسٹیڈنگ پر من وعن عمل ہوگا ۔

Facebook Comments

LEAVE A REPLY

Please enter your comment!
Please enter your name here