Afghan envoy's daughter not abducted
Afghan envoy's daughter not abducted

لال حویلی میں پریس کانفرنس کرتے ہوئے وفاقی وزیر داخلہ شیخ رشید کا کہنا تھا کہ افغان سفیر کی بیٹی کے کیس میں چاروں ٹیکسیوں کے مالکان تک پہنچ گئے، ان کا کوئی کرمنل ریکارڈ نہیں ہے ، اور نہ ہی کسی ٹیکسی میں کوئی دوسرا بندہ تھا ۔

یہ اغواء کا کیس نہیں بنتا ، یہ معاملہ اغوا نہیں بلکہ پاکستان کو بدنام کرنے کی سازش ہے ، ہم نے افغان سفیر کی بیٹی کے اغوا کا پرچہ دیا ہے ، افغان سفیر کی بیٹی کا یہاں ہونا ، تحقیقات میں مدد کرنا ضروری ہے اور چاہتے ہیں افغان سفیر خود بھی تحقیقات کا حصہ بنیں ۔

شیخ رشید احمد کا کہنا تھا کہ داسو واقعے کے بعد چینی حکومت ہم سے مطمئن ہے تاہم بھارت اسے نئی شکل دینے کی کوشش کر رہا ہے ، چین اور پاکستان کے درمیان غلط فہمی پیدا کرنے کی کوشش کی جا رہی ہے ، عالمی طاقتیں نہیں چاہتی پاکستان اور چین کے تعلقات مضبوط ہوں، پاکستان کے خلاف غیر اعلانیہ ہائیبرڈ وار تیز کی جارہی ہے جب کہ عمران خان امت مسلمہ کا ابھرتا لیڈر ہے جو بھارت اسرائیل کو ایک آنکھ نہیں بھاتا ۔

وفاقی وزیر داخلہ کا کہنا تھا کہ جوہرٹاؤن کا دھماکا ایف اے ٹی ایف اجلاس سے ایک دن پہلے کیا گیا جب کہ داسو کا واقعہ جی سی سی کی میٹنگ سے پہلے کیا گیا اور افغان سفیرکی بیٹی کا واقعہ افغان کانفرنس سے پہلے کیا گیا ، ان کی ٹائمنگ دیکھیں ، جو واقعات ہو رہے ہیں سازش کے تحت ہو رہے ہیں

، دنیا کو تاثر دینے کی کوشش کی جا رہی ہے پاکستان میں امن و امان کا مسئلہ ہے ، پاکستان کے خلاف ان ڈیکلیئرڈ ہائبرڈ وار شروع ہو چکی ہے اور آنے والے دنوں میں ہائبرڈ وار تیز ہوگی ۔

Facebook Comments

LEAVE A REPLY

Please enter your comment!
Please enter your name here