TLP Protest Lahore
TLP Protest Lahore

 وفاقی وزیر داخلہ شیخ رشید کا دوٹوک الفاظ میں کہنا تھا کہ کالعدم تحریک لبیک کے مطالبے پر فرانسیسی سفیر کو ملک سے نہیں نکال سکتے ۔

پولیس پاسنگ آؤٹ کی تقریب سے خطاب کرتے ہوئے وزیرداخلہ شیخ رشید کا کہنا تھا کہا اپوزیشن گزشتہ 3 سالوں سے احتجاج کر رہی ہے ، اور اب جمعہ جمعہ کھیل رہی ہے، کل ان پہلا احتجاجی مظاہرہ تھا اور اس بات کی خوشی ہے کہ پی ڈی ایم نے میرے شہر کا انتخاب کیا ،  انہیں کہتا ہوں کہ بڑے شوق سے احتجاج کریں اور قانون کو ہاتھ میں نہ لیں تو کوئی مسئلہ بھی نہیں ہوگا ، اپوزیشن اگر انتخابات سے قبل انارکی پھیلائے گی تو خود اپنے لئے گڑھا کھودے گی ۔

وزیر داخلہ نے کہا کہ اس ملک میں جمہوری سیاسی آزادی ہے، ختم نبوت کا مجھ سے بڑا کوئی سپاہی نہیں ، کالعدم تحریک لبیک کے مطالبے پر فرانسیسی سفیر کو ملک سے نہیں نکال سکتے ، فرانسیسی سفیر کو نکالنے کا مطلب ہے کہ ہم یورپی یونین سے باہر ہوجائیں گے، ٹی ایل پی ہو یا پی ڈی ایم ، قانون کو ہاتھ میں نہ لیا تو کچھ نہیں کریں گے ، اور اگر کسی نے قانون ہاتھ میں لیا تو قانون اسے ہاتھ  میں لے گا ۔

ملک کو اس وقت فیٹف ، سمیت دیگر مسائل لاحق ہیں ، تمام مسائل پر قابو پائیں گے، کوئی یہ سمجھ رہا ہے کہ عمران خان کی مسائل پر نظر نہیں ، تو یہ بالکل غلط ہےعمران خان  کی تمام صورتحال پر نظر ہے ، کوشش یہی ہے کہ اپنے مقاصد کو ہم حاصل کریں ۔

Facebook Comments

LEAVE A REPLY

Please enter your comment!
Please enter your name here